JIO ZINDEGI JI BHAR KE

JIO ZINDEGI JI BHAR KE

Zindegi jite to hum sab hai par sans lena hi kya zindegi hai? Hum me se kitne apni life ko khul kar ya phir apne pasand se jite hai. Asal me hum khud ke liye kam aur dusro ke liye jada jite hai. Koi jita hai apne maa baap ke liye, koi apne parivaar ke liye. Asal me hum dusro ke liye jite jite khud ke liye jina bhul jate hai. Iske liye hum apni zindegi ke kitne kimti waqt dau me laga dete hai.

Hamare is samaj me mainly do prakar ke insan ko hum zada tar mahatto dete hai, pahla hai ammer aur dusra hai gareeb. Aur hum sochte hai ke ameer insan bohot hi sukhi hai, magar asal me aisa nahi hota. Nadi ke is par khare ho kar har koi soch ta hai ke us par is par se jada khubsurat hai. Ammer insan paise se har ek chiz ki kami apne zindegi me pura nahi kar sakte hai jaise nind, sukh, chan aur khusi nahi kharid pata jo ki ak garib insan apni us choti si ghar me apne paribar ke jita hai. Gareeb janam lena koi gunah nahi hai, gunah hai gareeb rahkar marna. Kiuki ishwar sab insan ko ak mauka hamesa deta hai jisse ap apna nasib palat sakte ho. Jarurat hai to bas thora sa himmat aur thora sa mahnat ka.

Apni pasand ki zindegi jina har kisi ko nasib nahi hota. Zindegi ki bhag daur me hum apni zindegi ko ji nahi pate. Har kisi ka kuch passion hota hai jaise singing, dancing, photography, cricket, football etc par ghar ki jarurat o ke karan hare kisi ka o chahat pura nahi ho pata. Zindegi me kuch karna hai to khud ko itna majbut karo ke akele apni raho me chal sako, kiuki har bar koi ap ke pas nahi milega apko sahara dene ke liye.

Laut chalo zindegi ke us more par jab na tha koi zimmedari aur nahi koi tension apna bachpa ke din. Kya din the o kiuki sauk to maa baap ke paise se pura hota hai, apne paise se to bas jarurat hi pura hota hai. Jivan ke bhag daur me waqt ke sath rangat chali jati hai, hasti khelti zindegi bhi aam ho jati hai. kash is samai ko koi bandh pata, samai bah jata hai itni teji se ke samaj hi nahi ata ke is pal ko ziu to ziu kaise, hat me ek ghari kharid ke kya pahan li a waqt to piche hi par gaya. Manhgi se manhgi ghari pehan kar dekh li par ye waqt hai ki mere hisab se chalta hi nahi.

Har koi ye soch ta hai apni zindegi me ke ek ghar bana kar sukun se bathega, par ghar ke jarurat o ne musafir bana dala. Kitne dur hi na hum nikal gaye risto ko nivate nivate .. khud ko bhi hum kho dete hai bas apne ko pate pate. Har pal hame khus hona parta hai bas dusre ko khus rakhne ke liye.

To akhir zindegi ko jie to jie kaise. Zindegi me hame bari khusi milti hai choti choti incident se. choti choti chiz o me hame khusi dhundna chahiye. Kam ke bich me hame thora waqt nikal kar apno ke sath bhi bitana chahiye, isse rishte majbut hota hai aur isse hum hamari zindegi ko ji bhar kar ji sakte hai, hum kho jate hai khusi o ko dhunte dhunte par hum apne aas paas rahene walo insan ko ignore kar dete hai. Do bate insan ko apno se dur kar deta hai ek insan ka aaham aur uska waham. Isliye apno ke bare me waham na palo. Riste ek kachhi dhago se bandha hota hai aur ye ak bohot hi mullawan hota hai ise asehi nahi gawa na chahiye..

Apni passion ke liye ap kuch waqt nikal sakte ho jaruri nahi ap ko usme  apni puri time spend karo. Isse ap apni life ko ak alag tarike se ji paoge. Jine ke liye koi karan chahiye kiuki akaran to pasu o bhi jite hai. jine ka us karan ko dhundo, apni us jarurat ko pura karne ke liye ak rasta banao aur safalta ap ke kadam me hoga.

Khuda ke upar bharosa hame ak shakti deta hai jisse hum zindegi ki har ek muskil ko par kar sakte hai aur usee bhi bara hai bharosa khud ke upar. Jisse hum apni zindegi ke har ek pal ko ji sakte hai har ek kathinayi ko par kar…

       ” Khuda nahi hai to uske zikar kiu aur khuda hai to fir fikar kiu”..

Please comment & share if you like…..